NAMPO Park is ideaal toegerus vir so ’n ekspo en besoekers sal vuurwapens op ’n skietbaan kan uittoets. Wat die 4×4-voertuie betref, sal besoekers die nuutste modelle kan toetsbestuur op ’n baan wat nie hoogs tegnies uitgelê is nie. Die ekspo kombineer ALFA, wat voorheen in Parys aangebied is en wat oor die afgelope vier jaar die grootste lewendehawe-ekspo in die land geword het, met ‘n opwindende jag- en buitelewe-afdeling. Die NAMPO ALFA-ekspo bied ALFA die geleentheid om uit te brei en selfs meer aan produsente te bied.